🚫 اكتشاف مانع الإعلانات

<article> كل فترة احب اجرب ماركة جديدة وهالمرة حبيت اجرب ماركة ديبورا اشتريت منهم 3 منتجات مسكارة وحمر مات وباودر طبعا كل المنتجات طلعت حلوة واحلى مما كنت متوقعه ,المسكارة خلصت وماختلها صورة بس راح انزل صورة الها من النت لان اتجنن سوادها فاحم وتنطي طول وكثافة كولش حلوة .
<a name=\'more\'></a>

المنتج الثاني هو باودر ايخبل كولش خفيف وناعم وميكتل على الوجه وتغطيتة خفيفه يعني البنات الي ايحبون التغطية الثكيلة مراح ايحبو والبنات الي ايحبون يستعملون بس باودر على وجهم يمكن هم مراح يعجبهم لان ميغطي اي عيوب بالوجه يعني هو مناسب اكثر للبنات الي بشرتهم صافيه اني شخصيا اثبت الفاونديشن بباودر ثاني ثكيل واحب اخذ هذا الباودر ويايه بالجنطه حتة اغطي الاماكن الي تلمع بوجهي بدون ميبين اكو باودر سميك على الوجه بس شي واحد محبيته بي هو ان علبه الباودر ما بيها مرايه ف لازم اخذ مراية ويايه وهذا شي اني ما احبه لان ما احب اخذ اشياء هواية ويايه لان اغلب جنطي صغيرة .






المنتج الثالث والاخير هو حمر مات كولش حلوة واكو رينج اللوان جبير وراح يعجب اكثر البنات , اني اختاريت لونين الاول بني متوسط ممكن تحطي بالشتا وبالصيف بدون ميبين كولش طوخ رقمه 13 والحمرة الثانية وردي فاتح بس الرقم ما اعرفه لان ممسوح ,وطبعا مثل كل الحمر المات الثانية ممكن تنشف الشفايف فلازم اترطبين شفايفج قبل متستعمليها وتبقى ثابته فترة طويلة .


</article> https://archive.janatna.com/