<article> 1-اختاري الألوان الغامقة وابتعدي عن الألوان الفاتحة ومن انكول غامقة مو معناها بس اسود ، تكدرين تلبسين كل الألوان الي تحبيها ازرق اخضر اصفر بنفسجي وردي احمر ....الخ. بس اختاري درجات غامقه.
2- ابتعدي عن النقشات الصغيرة واختاري النقشات الجبيرة لان النقشه الجبيرة تاكل من حجم الجسم وتبينج
اضعف .
<a name=\'more\'></a>
3- ابتعدي عن الأحزمة العريضه والجبيره واختاري الأحزمة الرفيعة باللون الغامق وخليها على منطقه الخصر حتى تنطي شكل احلى لجسمج .
4- جربي القميص أو التيشرت المخطط بالطول لان راح ايبينج أطول وأضعف وابتعدي عن المخطط بالعرض لان راح ينطيج حجم اكبر .
5- اختاري
ملابس بالقياس الصح يعني لتختارين
ملابس اصغر أو اكبر من قياسج لان القياس الغلط راح ايبينج اسمن .
6- ابتعدي عن الجنط الصغيرة كولش أو الجبيرة كولش والأفضل هو اختيار جنطه بحجم متوسط .
7- ابتعدي عن التنورات والفساتين الي تجي فوك الركبه و الأفضل تعتمدين على القطع الي تجي بطول ميدي أو بطول كامل .
8- ابتعدي عن القطع الي بيها لمعه او جلد او لؤلؤ او جيوب كبار وبارزات لان كل هايه الاضافات راح تنطي حجم اكبر الجسمج .
9- الكعب كولش مهم راح ايبينج أطول وأضعف وحتى لو إنتي طويله ممكن كعب بارتفاع ٣ سم كولش كافي وراح ايسوي فرق كولش جبير باطلالتج .
</article>
https://archive.janatna.com/
