رواية مجنونة في عالمي للكاتبة سلسبيل كوبك الفصل العاشر
-وقفنا في الفصل اللي فات ان تم تحويل سلوي للمستشفي، و الكل راح معاها ما عدا فرح و هدي و سيرين و رحيم... دخلوها العناية المركزة... مصطفي: يا رب يا رب استر... محمود: يا رب مش بنتي و امي في يوم واحد، ارجوك... ناصر: احنا السبب مرعناش انها كبيرة في السن.. ريان: بس هي زودتها اوي... الدكتور: للاسف المريضة دخلت في غيبوبة.. منال(بدموع): هو ده اللي كان ناقص بنتي و حماتي... سعاد: مش مكتوب لينا الفرح ابدا...
نانسي: اهدي يا طنط متقلقيش خير... سيلين: ربنا هيعديها على خير... بدر: ان شاء الله خير، و هنلاقي وعد و نور متقلقوش... ريان و حمزة: يا رب... ناصر: مين هيبات هنا؟ الدكتور: يستحسن محدش يبات مش هتستفيدوا حاجة... الكل مشي، و رجع بيتهم و حزنهم زايد الف مرة... -في قصر الشيطان... وعد راحة جاية في الاوضة... وعد: يا رب يا رب ارجوك عايزة امشي... و بعدين لقت الباب بيتفتح، و لقت ادم بيدخل منه...
وعد جاية تتكلم لقته دخل الحمام و قفل الباب... وعد(لنفسها): الحيوان... وعد شوية تقعد و شوية تقوم، لحد ما لقت ادم خرج من الحمام... وعد شهقت و خبت عنيها بسرعة... وعد: انت ازاي تخرج كدة انت غبي؟ ادم سابها و دخل غرفة الملابس، (كان لابسة فوطة حوالين خصرة)... و بعدين ادم خرج لابس بنطلون و تي شيرت بيتي... وعد: انا عايزة اتكلم معاك... ادم اتجاهلها و راح نام على السرير... وعد: ايه ده! انت ناوي تنام هنا؟
ادم(ببرود): اوضتي... وعد: خلاص يبقي خليني امشي... ادم(ببرود): بعد ما شوفتي الفلاشة بسبب فضولك، معتقدش انك هتشوفي بيتك تاني... وعد(بصوت عالي): انت غبي بقي و متربتش و كمان حيوان، و هبلغ عنك و هتخش السجن.. ادم بقي غضبان جدا... ادم(بغضب): مش قولتلك محدش بيعلي صوته غيري.. وعد(بخوف): انا انا مقولتش حاجة... ادم: ده كله و مقولتيش، طيب... ادم حط ايديه على عينيه و نام...
وعد كانت فاكراه شوية و هيقوم، عدي نص ساعة و وعد راحة جاية في الاوضة... وعد: ادم قوم عايزة انام... وعد: ادم قوم بقي... وعد قربت منه لقته بيتنفس بانتظام و نايم مرتاح... وعد(لنفسها): يا رب اعمل ايه بقي... راحت جابت مخدة و حطتها على الارض، و طفئت الانوار ما عدا نور اباجورة كإضاءة و نامت...
-عند تميم و نور... تميم: نور لاخر مرة هسألك فين الفلاشة؟ نور: مش معايا... تميم: و ربي لولا ان ادم امر اني مفتشكيش لولا اني كنت طلعتها من هدومك دلوقتي... نور: و مين قالك انها معايا في هدومي؟ تميم: المصادر جاية كدة، عندك مانع؟! نور: انا عايزة انام يا اخ انت الله... تميم: مش هسيبك تنامي الا لما تجيبي الفلاشة... نور: مش معايا... تميم: تمام... تميم سابها و راح قعد عند التلفزيون و شغله على الاخر...
نور: وطي الصوت الصوت مزعج... نور سابته و طلعت الاوضة و نامت حتى وسط الدوشة... تميم استغرب انها مجتش اشتكت انها مش عارفة تنام... تميم طلع لقاها نايمة، نام هو كمان على الكنبة... -في الصباح الباكر... -عند عائلة النجار... مصطفي: هتروح الشغل؟ ريان(بحزن): اه يا بابا... منال(بدموع): طب و وعد؟قلبي معرفش اذا كانت كلت و لا لا، عملت ايه معرفش...
مصطفي(بتعب): وعد قوية و هترجع سليمة متقلقيش، و نور برضو هترجع، ربنا مش هيسبنا... ريان نزل و قابل حمزة في طريقه... حمزة: مش قادر اقعد في البيت و نور و وعد مش فيه.. ريان: انا خايف عليهم اوي يا حمزة... بدر: ان شاء الله هتعدي، كله هيعدي على خير ان شاء الله... ريان: يا رب... ريان: انا رايح الشغل، تعالي اخدك في طريقي للجامعة... حمزة: تمام، هتعوز حاجة يا بدر؟ بدر: لا في رعاية الله...
سيلين كانت بتمشي بسرعة و خبطت في بدر و بدر مسكها... سيلين: بعتذر جدا... بدر: و لا يهمك عادي، بتمدي ليه؟ سيلين: في طلب عايزة اجيبه... بدر: خليكي هجيبه انا... سيلين: لا شكرا هتعبك.. بدر: انتي برضو بنت عمي و زي نانسي... سيلين(بحزن): اه طبعا... بدر راح جاب الطلب لسيلين و مشي و سيلين طلعت على شقتها... نانسي راحت المستشفي مواصلات... نانسي و هي داخلة المستشفي لقت الكل متجمع... نانسي: هو في ايه؟
ممرض: عز بيه بينقذ حالة صعبة لسة جاية، و من النادر انه يعمل عملية او ينقذ مريض اساسا... نانسي: اه تمام... و نانسي راحت شغلها و الكل اشتغل... عز: انسة نانسي... نانسي: ها اهلا دكتور عز.. عز: اهلا، اخبارك و وعد و نور... نانسي(بدموع): لسة مجوش.. عز: في ايه يا بنتي هو انتي عيوطة العائلة و لا ايه؟ نانسي: لا انا مش عيوطة... عز: خلاص انا اللي عيوط، ارتاحتي... نانسي: انا راحة اشتغل بقي... مهاب: نانسي...
نانسي: اهلا دكتور مهاب... مهاب: ازيك كنت عايز بس اخد رأيك في حاجة... نانسي: اه طبعا... عز: مهاااااااااب.. مهاب: نعم يا عز بيه... عز: احنا هنا مستشفي، و مفيش وقت للكلام على شغلك... مهاب: بس... عز: سمعت... مهاب مشي... عز: قسما بربي اشوفك واقفة مع شخص تاني متعرفيش هعمل ايه... عز مشي... نانسي: ايه ده؟هو ماله اصلا بيا... -عند حمزة في الجامعة... كان قاعد لوحده و مش بيتكلم من حد حتى طلب من صحابه يسبوه...
لقي حد بيحط ايده على كتفه... حمزة: مرام... مرام( و هي بتقعد جمبه): ها يا سيدي مالك؟ حمزة: مفيش انا بخير... مرام: هتكدب عليا برضو... حمزة بصلها كتير لدرجة انها اتكسفت... مرام: ايه؟ حمزة: فكرتي؟ مرام: مش هرد الا لما تقول فيك ايه؟ حمزة: و الله يا بنتي مش حمل حاجة... مرام: طب اهدي و احكيلي.. حمزة: اخواتي مختفين من امبارح، و تيتة دخلت العناية... مرام: متقلقش هتبقي بخير، انا جمبك... حمزة: شكرا...
مرام: مفيش شكر ما بينا... يوسف: خلاص روقت يا عم الحبيب... امير: سيبوني مع نفسي، هي الانسة مرام نفسك و لا ايه؟ حمزة: بتنقطوا سكر ياض منك ليه.. امير: طب يلا علشان المحاضرة... مرام: يلا... و راحوا للمحاضرة... -عند ريان في الشركة... مايا لاحظت شرود ريان كل شوية و عدم تركيزه في الشغل... مايا: ريان تيجي تشرب فنجان قهوة... ريان: تمام، انا دماغي مش متظبطة... راحوا في الكافتيريا... مايا: ها يا سيدي مالك؟
ريان: مفيش انا تمام... مايا: انت بتردهالي مثلا... ريان(بابتسامة بسيطة): لا يا بنتي... مايا: طب والدك عامل ايه؟ ريان: تمام الحمد لله... مايا: ريان عايزة اقولك حاجة.. ريان: قولي.. مايا: انا بعتبرك صديقي و زميلي، و محدش يعرف اللي انا هقوله ليك... ريان: قولي قلقتيني... مايا: انا بنت صاحب الشركة انا اسمي مايا مؤمن... ريان: لا و النبي... مايا: اه و الله... ريان: اومال بتشتغلي ليه؟
مايا: انا مبحبش اعتمد على فلوس والدي بحب اعتمد على نفسي... ريان: بجد كبرتي في نظري، بس اشمعنا قولتيلي انا بس... مايا: معرفش ممكن لانك اكتر حد اعرفه هنا، و شخص امين و مش هيطلع السر لحد صح... ريان: صح، انا بقي مضايق علشان اخواتي مختفين و تيتة في العناية... مايا: اوف، الف سلامة، و عد و نور صح... ريان: اه، الله يسلمك... مايا: متخافش ان شاء الله خير، كله هيعدي و هيبقي تمام... ريان: ان شاء الله شكرا...
مايا: على ايه بس؟ معتز: انا شايف انكوا مش بتشتغلوا... مايا: عادي واخدين بريك، عندك مانع.. ريان: في ايه يا معتز؟ معتز(بسخرية): مفيش حاجة يا صاحبي... معتز مشي، و ريان و مايا كملوا شغل... -في مكان تاني... عند نور و تميم... نور صحيت قبل تميم، و بعدين لقته نايم على الكنبه و نايم نوم... و بعدين بدأت تتسحب و خدت شنتطتها و نزلت السلالم، و لسة هتفتح باب ال؟يلا... تميم: مش عيب الحركات دي؟..
نور(لنفسها): يا رب هو انا مش هخلص اه يا قلبي، منك لله يا وعد، مش مسمحاكي... تميم: بصيلي... نور ملفتش ليه... تميم قرب منها و قرب من ودنها... تميم(بهمس): مش قولتلك بصيلي... نور لفت ليه و لقت انهم قريبين اوي من بعض... نور: انا عايزة امشي... تميم: سؤالين لو جاوبتي عليهم هتمشي.. نور: ايا كانت الاجابة؟ تميم(بخبث): طبعا... نور: اسأل... تميم: الفلاشة فين؟اتفرجتي عليها و لا لا...
نور بكل غباء طلعت الفلاشة من جيب بنطلونها... نور: اهي، و اه اتفرجت عليها، سبني امشي بقي... تميم: مكنتش اعرف انك غبية اوي كدة... نور: ليه؟ تميم: الفلاشة انا خدتها، بس انتي اتفرجتي على اللي فيها، يبقي مينفعش ليكي انك ترجعي لاهلك ولا لاي حد... نور(بخوف): و المفروض ايه اللي هيحصل؟.. تميم: القتل.. نور قعدت تكح تكح جامد لغاية ما كانت بتموت، تميم جري جاب ليها ماية و قعد يطبطب على ضهرها.. تميم: احسن؟
نور(بخفوت): اه... تميم: هروح اجهز الفطار خليكي هنا... نور: انت بتعرف تطبخ؟.. تميم: تافهة اوي.. نور: ده مجرد سؤال... تميم: تعالي معايا... نور راحت معاه المطبخ و شافته و هو بيحضر الفطار بمهارة، و عمل الفطار و كلوا...
-في قصر الشيطان... ادم صحي قبل وعد، و لقاها نايمة على الارض، شالها و نيمها على السرير، و دخل خد دش و خرج لبس هدوم الخروج بتاعته، و خرج لقاها لسة نايمة... ادم: وعد وعد... وعد لا رد... ادم هزها برضو مصحيتش... عمل اتصال و قفل الفون، و بعديها بدقيقة، وعد صحيت على ضرب نار فظيع... وعد(بخوف): ايه ده؟.. ادم(بابتسامة سخرية): لا اصلك يا هانم مكنتش عايزة تصحي اصل حضرتك في فندق 7 نجوم...
وعد: لك انت حيوان و الله، حد يصحي حد على ضرب النار... ادم(بهدوء): ده احلي حاجة انك تصحي على ضرب نار... وعد: لا ده بالنسبة ليك انك تصحي على ضرب نار لانك متعود على كدة انا متعودة اصحي على حنان والدتي و اختي نور او بابا او اخويا ريان، مش زيك، اومال فين نور؟ وعد ملاحظتش انها جرحت ادم بكلامها... ادم: نور مع تميم، و انتي اجهزي علشان مسافرين... وعد: انا و هسافر معاك انت مستحيل...
ادم: لو عايزة تفضلي عايشة انتي و بنت عمك قومي البسي فورا... وعد: و يا تري هلبس ايه؟ ادم مسك ايديها و دخلها اوضة الملابس... ادم و داها ركن الفساتين... وعد: ايه ده مفيش حاجة واحدة محترمة... ادم: اختاري اي حاجة قدامك الاوضة كلها... ادم خرج من اوضة الملابس و استناها...
وعد اختارت فستان لونه اخضر غامق و مفتوح من الضهر اوي، و شفاف من قدام و قصير لغاية قبل الركبة بكام سنتيميتر، و لبست جذمة بكعب لونها اسود و سيبت شعرها، و خرجت من غير اي نقطة مكياج... وعد خرجت لقت ادم قدامها... وعد: انا جاهزة... اول ما ادم شافها مقدرش يتكلم وفضل باصص ليها... وعد: ادم... ادم: ها... وعد: ها ايه؟انا جاهزة... ادم تمالك نفسه... ادم: يلا قدامي...
وعد: هو مفيش بالطو او اي حاجة البسها علشان ضهري كله باين و البتاع قصير... ادم: مختارتيش واحد تاني ليه؟ وعد: ده اكتر حاجة عندك محترمة... ادم: للدرجة دي... وعد: اه و الله... وعد(بهمس): انت يعني محترم فهتجيب لبس محترم... ادم: عليكي نور، يلا بقي... وعد: انت سمعتني؟! ادم: للاسف بتفكري بصوت عالي يا وعد... وعد: اه يا رب... ادم: قدامي... و بعدين ادم و وعد جايين يخرجوا ادم فتح الباب بالبصمة..
وعد: ايه يا ابني قافل كل حاجة بالبصمة؟ ادم: ملكيش فيه... وعد و ادم خرجوا لبره القصر، و وعد لقت طيارة قدامها... وعد(بفرحة): هنسافر بالطيارة صح... ادم: اه... وعد(بفرحة): تمام... ادم: اول مرة اشوف حد يكون مخطوف و فرحان.. وعد: لا لحظة حضرتك، انا حلم حياتي اني اسافر و اغامر و اتجنن، و كدة فانا اهو هسافر... ادم: طب يلا... ادم طلع الاول و بعدين مد ايده لوعد علشان تطلع...
وعد ترددت و بصت ليه و لايده و بعدين مسكت ايده و طلعت... ادم: انتي اقعدي هناك، و انا هخلص شغل على الاب توب... وعد: تمام، بس انا مش مطمنة... ادم: مش مطمنة من ايه؟ وعد: اكيد رايح تشتغل في المافيا... ادم: وعد متفكريش كتير و روحي اقعدي، و اسمعي Music لو عايزة... وعد: تمام...
وعد راحت قعدت بس لاحظت نظرة مضيفة الطيران ليها و حسدها و كرهها الشديد ليها، و برضو لاحظت دلعها على ادم و مايصتها و قلة ادبها، و ادم طبعا ما فوتش الفرصة، مسك ايد المضيفة... ادم: وعد انا هريح شوية... وعد: و النبي، اه ابقي خد راحتك و متنساش ان في مطبات هوائية... مضيفة: مش هننسي يا مدام... وعد اتعصبت جدا من الكلام ده..
وعد(بزعيق): انا مش مدام يا روح اهلك انتي، و انتي اساسا واحدة متستاهلش و متربتش في بيت ابوها ازاي موافقة يبقي جسمك رخيص كدة ازاي موافقة انه يبيع و يشتري فيكي، انتي قابلة على نفسك تكوني رخيصة اوي كدة... المضيفة مشيت، و ادم بص لوعد... وعد: ايه قولت حاجة غلط؟. ادم سابها و كمل شغل... و بعد نص ساعة... الطيارة نزلت... و ادم نزل هو و وعد، وعد لقت عربيات كتيرة واقفة و حراس موجودة... و جه واحد اتكلم...
انس(مساعد ال Boss): اهلا بالشيطان، العربيات جاهزة... ادم: تمام هي هتروح على البيت و انا هقابل ال Boss... انس بص لوعد من تحت لفوق و اعجب جدا بجمالها، و وعد خافت من نظراته و قربت من ادم شوية... ادم: اعتقد اننا لازم نمشي و لا ايه يا انس... انس: طبعا بس ال Boss عايزك و عايزها... ادم: و ده ليه ان شاء الله؟ انس: اوامر ال Boss هتعترض... ادم(بغضب مكتوم): يلا بينا... ادم مسك ايد وعد و ركب العربية...
وعد(بهمس): هو كان بيبصلي كدة ليه؟ ادم(بهمس): متخافيش انا معاكي... وعد بصت ليه و افتكرت انه طلع قد الوعد المرة اللي فاتت... وعد: توعدني... ادم بص ليها... ادم: اوعدك... و بعدين وصلوا لباب قصر كبير اوي اوي يعني... وعد: ايه ده كله؟ و بعدين ادم في حد فتح ليه الباب، راح هو و فتح لوعد اللي استغربت من تصرفه... و بعدين ادم لبس وعد شال... ادم: اياكي تقلعيه يا وعد... وعد: تمام... ادم و وعد دخلوا القصر...
الخادمة:؟Can you give me shawlk(هل يمكن ان تعطيني شالك؟)... ادم: No thanks... و بعدين كملوا طريقهم، و انس ده وصلهم لمكتب، و دخل معاهم... ادم و وعد دخلوا، وعد لقت شخص قاعد على كنبة، و شخص قاعد على كرسي المكتب و مديهم ضهره، و بعدين لف وشه... شخص: اهلا بالشيطان... وعد اتصدمت جدا...
رواية مجنونة في عالمي
