رواية مجنونة في عالمي للكاتبة سلسبيل كوبك الفصل التاسع
-في الصباح الباكر... وعد: بابا ارجوك يا بابا وليد ده مش بطيقه خالص... ريان: نور دي اختي يا بابا... منال: مصطفي لازم تتصرف... مصطفي(بزعيق): اعمل ايه ها اعمل ايه، اكسر نفسي ها اكسر امي، انا تعبان تعبان اوي و ربنا تعبان، مش عارف اتصرف انا في نار مش عارف اطلع منها... منال قربت منه و حضنته، و وعد و ريان عملوا زيها.. ريان: خلاص يا حاج مفيش حاجة، اهدي انت بس.. وعد: المهم سعادتكوا يا بابا...
ريان: يلا يا وعد اوصلك لشغلك... وعد: تمام، باي... مصطفي: انا رايح الشغل... منال: خلي بالك من نفسك، ربنا معاك... مصطفي نزل قابل محمود خده و مشي... -ريان و وعد نزلوا لنور و حمزة... سعاد: انا مش موافقة خالص على بنت فرح دي... وعد: طنط نانسي بنت جميلة و حلوة بس كلنا مش موافق على بعضه لازم نعمل خطة... نور: ريان انت عارف انا بحبك قد ايه زي اخويا...
ريان: يا بنتي انتي اختي انتي وعد بالظبط، مستحيل تحصل اي حاجة متخافيش... حمزة: انا متعلق بمرام، اتصرفوا... وعد: احنا هنبين قدامهم اننا موافقين لكن، كل واحد يتصرف براحته ايه رأيكوا، و نقول لسيلين و بدر و نانسي، لكن وليد ده هنستخدم مبدأ التطفيش، ده جبلة مش بيحس عايز ضرب الجذم بس الصبر... ريان و نور و حمزة: تمام يا معلم... كلهم نزلوا... قابلوا بدر و نانسي...
بدر: حمزة انا عارف انك الف واحدة تتمناك، بس احنا مغصوبين، و كمان انت متعرفش نانسي و لا نانسي تعرفك الموضوع صعب للاسف... سيلين: انا هرجع امريكا تاني... نور: احنا عندنا الحل يا جماعة متخافوش... ريان: وعد قالت حل... بدر: ايه؟ وعد بصت يمين و شمال، و بعدين خدت نفس عميق... وعد: احنا هنبان قدامهم اننا تقبلنا الموضوع و كل واحد يعمل اللي هو عايزه من وراهم، بس هي اه فكرة مؤقتة بس هتفيدنا... بدر: بجد تحفة، تمام...
نانسي: و بالنسبة لوليد اللي محدش بيطيقه... وعد: لا ده انا هزهقه في عشته... نور: يا خوفي لهو اللي يزهقك... نانسي: تمام انا النهاردة اول يوم ليا في الشغل في مستشفي(، )... وعد: نعم، دي نفس المستشفي اللي بنشتغل فيها... نور: ده احنا هننبسط اوي... نانسي: يلا بينا... سيلين: لازم نروح نوري سلوي هانم اللبس قبل ما نمشي... ريان: طب باي بقي... حمزة: يلا يا ابني... وعد: متورهاش حاجة هي مش امكوا و لا ابوكوا، يلا بينا...
الكل خرج... نانسي راحت مع حمزة و ريان و وعد و نور... ريان وصل البنات، و بعدين وصل حمزة، و وصل هو... -عند حمزة... حمزة دخل الجامعة، لقي يوسف جاي عليه بسرعة.. يوسف: مرام اتنقلت للمستشفي... حمزة(بصدمة): ازاي و ليه و فين؟انجز مستشفي ايه؟ امير: مستشفي(، )... حمزة جري بسرعة راح المستشفي، و سأل عليها، و راح الاوضة و فتح الباب علطول...
حمزة(بخوف): انتي كويسة، طمنيني حصلك حاجة، في حد عملك حاجة، حصل ايه، اتكلمي، قلقتيني عليكي اوي... مرام(بإحراج): احم، ماما ده حمزة زميلي، ماما يا حمزة... سوسن(والدة مرام): اه اهلا يا ابني، هروح اشوف الدكتور... مرام: تمام يا ماما... حمزة: حصل ايه؟ مرام: عربية خبطتني و الحمد لله جت سليمة... حمزة(بحب): الحمد لله...
حمزة: بصي يا مرام انا عمري ما اتحطيت في الموقف ده، و عمري ما خوفت على حد كدة، بصي يا مرام انا معجب بيكي و اتخضيت اوي لما قالوا انك في المستشفي، بجد يعني تقبلي نتعرف على بعض اكتر و يكون ليكي القرار في الاخر... مرام: لا رد... حمزة حس بإحراجها... حمزة: هسيبك تفكري، و في كلتا الحالات احنا صحاب و زملاء، خلي بالك من نفسك، باي.. حمزة مشي... سوسن: الواد شاري... مرام: ماما انتي سمعتينا؟!
سوسن: الصراحة الواد مز و لاقين على بعض، و انا شايفة في انجذاب منك ناحيته... مرام: تفتكري لو عرف ايه اللي حصل زمان، هيقبل يتجوزني... سوسن: اللي بيحب مبيحاسبش على الماضي يا مرام. مرام: هفكر يا ماما... -عند ريان... ريان: انسة مايا.. مايا: اه اهلا، اخبار استاذ مصطفي ايه؟ ريان: تمام شكرا لحضرتك على امبارح... مايا: لا عادي، و انا بعتذر اني اتعصبت عليك امبارح كنت مضايقة... ريان: و لا يهمك... مايا: طيب نشتغل؟
ريان: تمام... موظف: استاذ ريان انسة مايا في اجتماع، لازم تحضروه... ريان: تمام، يلا... مايا: يلا بينا... -في المستشفي... وعد و نور و نانسي اشتغلوا بس كل واحد في مكان بعيد عن التاني... وعد و نور اتجمعوا... وعد: اوف الحمد لله مجاش و مشافنيش... نور: و ربي انا لو اتقفشت هعترف عليكي من اول قلم... وعد: واطية انا عارفاكي، معاكي الفلاشة؟ نور: للاسف... وعد: و انا برضو معايا... مهاب: انسه وعد... وعد كانت مدياه ضهرها...
وعد(بهمس): عايزة اتف عليه و ربي. وعد: خير يا دكتور مهاب... مهاب: في شخص مستنيكي بره في الجنينة.. نور: شخص مستنيكي بره.. وعد: تمام، شكرا... وعد: هروح اشوف مين بره... نور: تمام خلي بالك من نفسك... وعد(بهمس): هاخد الشنطة احتياطي علشان الفلاشة... نور: تمام يا روحي... نانسي: اهلا الشغل هنا جميل... وعد: تمام، هروح انا... نور: اه الشغل هنا تحفة... وعد خرجت الجنينة ملقتش حد... وعد: ايه الكدب ده...
و لسة هتلف لقت وليد في وشها... وعد: اعوذ بالله من الشيطان الرجيم... وليد: خضيتك؟ وعد: عايز ايه انجز؟ وليد: اي تصبيرة انتي بقيتي خطيبتي... وعد: طب امشي بقي من هنا علشان مهزأكش... وليد مسك ايديها جامد و قربها منه... وعد: وليد ابعد مينفعش كدة وسع بقي... وليد كان لسة هيقرب منها لقي حد بيضربه بوكس في وشه وقعه على الارض... و وعد كانت هتقع لكن ادم لحقها... ادم: انتي كويسة؟ وعد(بتوهان): اه اه...
وعد(لنفسها): يخربيت ابو عيونك... وعد(لنفسها): وعد وعد فوقي ده من عصابات المافيا... وليد قام... وليد: انتي ازاي تسمحي لحد انه يلمسك غيري ردي... وليد لسة هيضرب ادم، ادم ضربه ضربه كتير لحد ما وش وليد اتخرشم... وعد: خلاص يا ادم، ادم... وليد: وعد الحقيني... ادم: بتطلب من واحدة ست تلحقك يا مرة(امرأة يعني) انت... وعد: ينهار اسود انت خرشمت وشه... ادم: يستاهل... وليد(بضعف): وعد الحقيني...
وبعدين اغمي عليه نتيجة الضرب اللي ادم ضربه... وعد لسة هتقرب عليه، لقت اللي بيشيلها على كتفه. وعد(بزعيق): ادم وسع، ادم... وقعدت تضربه على ضهره و ترفص برجليها... وعد: ادم نزلني، ادم... ادم ركبها عربيته، و قفل الباب و ركب جمبها ورا... ادم: اطلع انجز... وعد(بصوت عالي): انت حيوان، وقف العربيه يا ادم... ادم: بكره الصوت العالي... و وداها حقنه في رقبتها، اغمي عليها، و نامت على كتفه... -في المستشفي...
عز: انسة نور... نور(بخوف): اهلا ازيك... عز: تمام، تيجي نتمشي في الجنينة؟ نور: لا لا عندي شغل... عز: متخافيش تعالي... (وليد دخلوه المستشفي بس نور و نانسي مكانوش عارفين)... نور: لا انامش خايفة... عز: طيب يلا... نور خرجت مع عز و كانوا بيتمشوا... عز: انا اسف يا نور... و بعدين نور لقت اللي بيدخل حقنة في رقبتها... تميم: خليك هنا راقب الامور... عز: تمام... تميم شال نور وركبها عربيته و مشي...
عز: يا رب اصلح حالهم بقي... نانسي: لو سمحت... عز بصلها و انصدم من جمالها... نانسي: يا استاذ يا استاذ... عز: ها نعم... نانسي: هو حضرتك مشفتش نور و لا وعد... عز(في نفسها): اعمل ايه دلوقتي حد يكدب على القمر... عز: لا مشفتهمش... نانسي(بدموع): طيب شكرا... عز: ايه بتعيطي ليه؟متخافيش هما بخير... نانسي: انت تعرف هما فين؟ عز: لا بس هما ان شاء الله بخير متقلقيش... نانسي: شكرا... عز: هو جمالك رباني... نانسي: ايه؟
عز: جمالك طبيعي؟ نانسي: اه الحمد لله... عز: يستاهل الحمد... نانسي(في نفسها): ده مجنون و لا ايه ده؟ نانسي: عن اذن حضرتك... عز: انا هنا علفكرة صاحب المستشفي... نانسي: اه تمام، عن اذنك... عز: اتفضلي... نانسي مشيت و عز لسة فاضل مكانه... حارس1: عز بيه... عز: ايه ايه، جحش بينادي... حارس1: اسف يا بيه... عز: عايز ايه؟ حارس1: ادم بيه بيقولك المستشفي في عينك لغاية ما يرجع هو و تميم بيه...
عز: المستشفي و الناس اللي في المستشفي في عيوني... حارس1: ها؟ عز: خلاص روح... نانسي كانت بتعيط و مش عارفة تعمل ايه... عز شافها و راح ليها... عز: في ايه بس؟ نانسي: وعد ونور مش لاقياهم، و كمان عرفت ان هنا في واحد اسمه وليد ابن عمي و متخرشم خالص... عز: طيب ممكن تهدي يا انسه... نانسي: نانسي... عز(بمرح): نانسي عجرم... نانسي ابتسمت... و بعدين النور قطع، نانسي مسكت في عز علطول... نانسي: انا انا بخاف من الضلمة...
عز(بهمس): انا ممتن للضلمة... نانسي: هنعمل ايه؟ عز: هنستني لما النور يجي... نانسي: طب مفيش مولد او اي حاجة... عز: مستشفي كبيرة ضخمة زي دي لو النور فيها قطع يبقي حصلت مشكلة كبيرة... نانسي: بس كدة في مرضي هيتأذوا... عز: اه تصدقي... و بعدين النور جه... نانسي لاحظت وضعها بعدت علطول... نانسي: اسفة.. عز: لا عادي و لا يهمك... نانسي: طب اعمل ايه انا دلوقتي.. عز: تعالي هوصلك... نانسي: لا شكرا... عز: تعالي بس...
عز وصل نانسي للبيت... نانسي: شكرا جدا لحضرتك يا استاذ عز... عز: لا مفيش حاجة، باي، و متقلقيش على وعد و نور.. نانسي طلعت لقتهم متجمعين... سلوي: اخبار المستشفي ايه يا نانسي؟ نانسي: تمام يا تيتة... بدر: عجبتك يا روحي؟ نانسي: اه... ريان: فين وعد و نور؟ نانسي قعدت تعيط... حمزة: في ايه يا نانسي؟ سيلين: حصل ايه بس فهمينا... مصطفي: بنتي حصلها حاجة؟ محمود: يا بنتي متلعبيش باعصابنا ابوس ايدك...
منال: انطقي يا نانسي ارجوكي... سعاد: طمنيني عليهم... نانسي: احنا كنا بنشتغل و بعدين وعد اختفت هي و نور، و دورت عليهم و سألت الكل محدش شافهم، و كمان وليد في المستشفي و متخرشم... منال: يا مصيبتي... سعاد: لا لابنتي ارجوكم... هدي: وليد ازاي في المستشفي... نانسي: هو بخير يا طنط، اهدي، هيخرج بكرة بالكتير... مصطفي: بناتي يا ريان... ريان: بابا متقلقش هما بخير، ارتاح انت علشان قلبك.. حمزة: لازم نبلغ البوليس...
سلوي: تمام اعملوا الازم... سلوي: رحيم متنساش انك رجل اعمال، انت و ناصر اتصرفوا، لقوهم بسرعة، فاهمين... سلوي: مش احفاد النجار هما اللي يختفوا... هدي: ممكن ميكونوش اتخطفوا ممكن يكونوا ماشين على حل شعرهم... فرح: او ممكن تكون كل واحدة مع عشيقها... منال: احترمي نفسك ولادي اشرف منك فاهمة.. ريان: اهدوا يا جماعة... حمزة: بدر خلي مامتك تسكت... بدر: ماما طنط هدي الكلام ده عيب... سلوي: كله على اوضته، فورا...
الكل طلع على شقته، بس دماغهم مشغولة... -في قصر الشيطان... وعد بتبدأ تفتح عنيها، فتحت عنيها لقت نفسها في اوضة كلها سودة، كله باللون الاسود حتى فرش السرير، الاباجورات كل حاجة باللون الاسود... وعد: اه انا فين؟ وعد قامت و كانت هتقع قعدت تاني على السرير... وعد: حصل ايه بس افتكر، اهدي و افتكري... وعد افتكرت كل حاجة... وعد: ينهار اسود... وعد قامت لقت الاوضة واسعة اوي، و لقت 3 ابواب قدامها...
وعد: اي واحد باب الاوضة... فتحت الاول لقته غرفة ملابس كبيرة، فتحت التاني لقته الحمام و برضو باللون الاسود كله، حاولت تفتح التالت لقت جهاز انذار بدأ يشتغل و صوت عالي... وعد: في ايه هو انا كنت هسرق بنك و لا ايه؟ لفت نفسها لقت ادم وراها عند باب زجاج... ادم قرب منها و ده كله الانذار شغال، و بعدين راح عند الباب التالت و فتحه بالبصمة و قفل الانذار... وعد ده كله مصدومة و مدهوشة...
وعد(بصوت عالي): ايه ده انا عايزة اخرج من هنا... ادم: مفيش حد هنا صوته بيعلي غيري يا وعد... وعد: طب ايه اللي جابني هنا و انا فين و حصل ايه؟و ليه خطفتني؟ ادم: انتي في قصر الشيطان يا وعد... وعد: طب انا مالي انا عايزة اروح... ادم: عايزة تعرفي سبب وجودك هنا صح، سببه انك فضولية زيادة عن اللزوم يا وعد... وعد: طب انا عملت ايه طب... ادم قرب منها و مكنش بيفصل بينهم حاجة، و همس جمب ودنها...
ادم(بهمس): فين الفلاشة يا وعد؟ وعد كان هيغمي عليها... وعد(بتوتر): فلاشة ايه؟ ادم(بنفس الهمس و الهدوء): اللي انتي و صاحبتك سرقتوها من مكتب محسن في بيته... وعد(بتوتر و ارتباك): ان ا معر فش بتتك لم عن ا يه اص لا(انا معرفش انت بتتكلم عن ايه اصلا)... ادم(بهمس و حدة): وعد انتي شوفتي ايه اللي جوا الفلاشة صح؟ وعد بعدت عنه بمسافة...
وعد(بصوت عالي): قولتلك معرفش بتتكلم عن ايه الله، و معرفش فلاشة ايه، و كمان انت خايف على الفلاشة كدة ليه هي هضرك في حاجة... ادم(بهدوء و برود): صوتك العالي دليل على ضعف موقفك يا وعد... وعد: ادم بعد اذنك سيبني امشي... ادم: لا يا وعد تجيبي الفلاشة الاول... وعد: يا ادم معرفش انت بتتكلم عن ايه اوف... ادم: يبقي و لا انتي و لا صاحبتك هترجعوا بيتكوا... وعد(بصدمة): هي نور هي كمان هنا؟
ادم: لا مش هنا في مكان تاني مع تميم... وعد: مستحيل! ادم: وعد انتي عرفتي اني بشتغل في المافيا، و مش سهل تضحكي على رجال المافيا و بالذات الشيطان يا وعد... وعد: انت حقير و زبالة و متربتش كمان، لانك بتقتل ناس و بتجار في اعضائهم، انت مش بني ادم انت... ادم: غيرتي وجهة نظرك يعني يا وعد... وعد: لا بس انت فعلا مش انسان فعلا فعلا انت مش انسان انت شيطان يا شيخ...
ادم قرب منها و مسكها من شعرها و قرب وشها منه، لدرجة ان وعد كانت حاسة بحراراة بسبب قرب انفاسه على وشها... وعد: ابعد يا ادم بعد اذنك... ادم: ايه مكسوفة؟ وعد: ادم بعد اذنك ابعد وضعنا غلط و كمان مينفعش كدة فلو سمحت ابعد يا ادم... ادم قرب منها اكتر و همس جمب ودنها... ادم(بهمس): شوفتي اللي موجود في الفلاشة يا وعد و لا لا... وعد(بهمس و توهان): اه... ادم بصلها بكل غضب، و زقها على السرير...
ادم(بزعيق و صوت عالي): انتي غبية اوي و فضولية ليه يا شيخة انتي مقرفة اوي...
وعد(بدموع): انا معملتش حاجة غلط و كمان انت كنت ناوي تقتل اشخاص كتير مهمين و مبيعملوش حاجة وحشة، كنت عايز تقتل مريض طيب ذنبه الوحيد انه جه في المستشفي بتاعتك علشان يتعالج فانت تعالجه بموته و تريحه من الدنيا، و الوزير الاسبق ايه ذنبه بعد عن السياسة و عايش مع ولاده مبسوط، رجل اعمال زي ثروت ده علطول بيعمل اعمال خير و بيساعد الكل، ليه مضايقين منهم كدة، حرام بجد بجد حرام، انت هتتحاسب و كل شخص زيك هيتحاسب، فاهم يا ادم و لا اقول ادم ليه انت الشيطان ماشي يا شيطان...
ادم سابها و نزل كسر كل حاجة كانت بتقابله قدامه... الخداميين كانوا خايفين منه، لغاية ما دخل مكتبه و قفل الباب... اما وعد فكانت قاعدة على الارض و ضامة رجليها وبتعيط عليها و على نور... -في مكان تاني... في؟يلا باين عليها الرقي... نور نايمة على سرير و بتبدأ تفتح عنيها... نور: آآه منك لله يا وعد...
و بعدها بصت حواليها لقت نفسها في اوضة الوانها زاهية و جميلة، و بعدين لقت تميم قاعد عاري الصدر و شغال على الاب توب و ماسك كأس خمرة في ايده... نور: عااااااااااااااااااااااااااااااااااا... تميم: بسسسسسس، في ايه؟ نور: في ايه؟بتسأليني في ايه؟انا اللي عايزة اعرف حصل ايه و ايه اللي جابني هنا و لابس كدة ليه و انا فين؟انطق... تميم(ببرود): دي تعليمات الشيطان، و كمان هيبقي احسن علشان احاسبك على قلة ادبك...
نور: فين وعد حصل ايه؟ تميم: اتفرجتي على الفلاشة يا نور؟ نور(بخضة): فلاشة! انت انت بتتكلم عن ايه؟ تميم: بصي يا نور نكون واضحين، بالذوق او بالعكس هتردي و هتجيبي الفلاشة... نور: و مين قالك ان عائلتي مش هتدور عليا؟ تميم: موبايلك اتشال منه الخط و اتحط في مكان بعيد عن موقعك، شنطتك اهي بره، انا مش عايز اتعامل بعنف يا نور خلينا حلوين و لو الفلاشة معاكي ودهالي...
نور(في نفسها): دلوقتي اعمل ايه لو وديته الفلاشة وعد... نور: وعد فين؟ تميم(ببرود): مع الشيطان... نور: يا رب، انت غبي اوي... تميم قرب منها وشدها من شعرها و لف بيها الاوضة ده كله تحت صرخات نور... تميم: مش قولتلك هربيكي على قلة ادبك يا نور... و ضربها قلم، و زقها على الارض... تميم(ببرود): قدامك 20 دقيقة تاخدي دوش و في هدوم هنا ليكي، و تنزلي على تحت، و اي حركة هروب من هنا هيبقي فيها موتك و أذية لصاحبتك...
تميم نزل و ساب نور بتعيط... نور(بعياط): يا رب ارجوك احمي وعد ارجوك... و قامت استحمت و لبست بنطلون و تي شيرت و نزلت ليه... تميم: الاكل جاهز... نور: انت جايبني هنا ليه؟ تميم: اخد الفلاشة اسلمك صاحبتك و امشيكي... تميم سابها و مشي... و نور كلت لانها من الصبح مكنتش كلت حاجة.. -في قصر الشيطان... ادم طلع من مكتبه... ادم(بصوت عالي): مي مي... مي(الخدامة): نعم يا حضرة الشيطان...
ادم: اطلعي فوق للبنت اللي فوق و خليها تستحمي و تلبس هدوم من اللي في الشنط دول، و تنزلي على المكتب... مي: امرك يا فندم... وعد كان بتعيط و خايفة اوي... لقت الباب اتفتح(هي افتكرته مراية اساسا، لانه عبارة عن باب زجاج بيتفتح ببصمة لبعض الاشخاص المعينة فقط، )... مي: لو سمحت يا وعد هانم ممكن تقومي معايا... وعد(بدموع): انا مش هانم، هقوم اروح فين؟
مي: الشيطان جايب لحضرتك لبس تلبسيه بعد ما تأخدي دوش جميل يريح اعصابك... وعد: بليز ارجوكي خليني اخرج من هنا ارجوكي... مي: ارجوكي يا هانم متتسببيش في أذيتي، و اسمعي كلامي و نفذي كلام الشيطان علشان هتندمي، ارجوكي... وعد بصت ليها بحزن، و قامت معاها استحمت و خرجت لبست بنطلون و سويت شيرت قصير و كوتشي... وعد: ها و بعدين؟ مي: هتنزلي معايا حضرة الشيطان عايز حضرتك... وعد: اوف ماشي...
مي فتحت الباب، و نزلت و وعد وراها و مشيت في ممر طويل و وصلت في اخر الممر... مي: دي اوضة المكتب الشيطان منتظر حضرتك هنا يا هانم.. وعد: اوف ماشي... وعد خبطت... ادم: ادخل... وعد دخلت لقت ادم قاعد على المكتب و قدامه ورق كتير... وعد: هتمشيني صح؟ ادم: الفلاشة انا لقيتها في شنتطك يا وعد، و كمان انتي قولتي انك شوفتيها، و عرفتي مين اللي وقع عليه الاختيار في موته...
وعد(بصوت عالي): انت غبي انت بقي، سيبني بقي الله... ادم(بهدوء و برود): للمرة الأخيرة هقولك صوتك ميعلاش يا وعد، و اعتقد أني حذرتك من فضولك صح و لا لا... وعد(بعياط): صح صح بس انت كمان غلطان انت اكتر حد غلطان في الموضوع. انت لو كنت حد كويس انا مكنتش هسمعك و انت بتقول انك العضو التاني في المافيا و مكنتش هعرف اعمالك الزبالة، لو انت كنت محترم يعني... ادم(ببرود): الضلع الثاني في المافيا مش العضو...
وعد بصتله بإستغراب كبير سيطر عليها... وعد(بإستغراب): ده كل اللي مضايقك؟ ادم: ليا هيبتي برضو يا وعد و لا اقول يا وعودة... وعد: ينعل ابو كدة... الباب خبط... ادم: ادخل... عز دخل و وعد بصتله ببصة خذلان، عز وطي رأسه و مبصش ليها... عز: ال Boss طالب يشوفك يا شيطان... ادم: تمام يا عز، روح انت... ادم: نادي مي ترجع وعد للاوضة... عز: حاضر...
وعد: لك الاوضة دي اوضة كئيبة و زبالة و كلها باللون الاسود يععععععع، ذوقك مقرف يا شيطان.. ادم(ببرود): متشكر... وعد(بغضب): باااااااارد... مي دخلت و خدت وعد و رجعتها اوضتها... -في بيت عائلة النجار... منال(بعياط): رجعلي بنتي يا مصطفي... ريان: ازاي يعني اللي حصل ده يا بابا؟و هو حد يخطفها ليه يعني؟ مصطفي: معرفش و الله ما اعرف... الباب خبط... ريان راح فتح بسرعة لتكون وعد... ريان: في جديد يا بدر؟
بدر: لا تيتة سلوي عيزاك... ريان: خير... ريان نزل راح لسلوي هانم... ريان: خير يا تيتة؟ سلوي: انا عارفة انك زعلان على خطيبتك... ريان: اه و بعدين يعني... سلوي: بس نور ممكن مترجعش... ريان: ان شاء الله هترجع هي و وعد... سلوي: عارفة بس برضو، سيرين هتبقي ليك... ريان(بصوت عالي): ايه ايه بقي يا شيخة اخواتي مختفين و انتي بتقوليلي سيرين هتبقي ليك، ايه يا شيخة بقي ارحمي ارحمي شوية... سيلين: في ايه يا جماعة؟
نانسي: صوتكوا عالي... رحيم: ولد انت بتعلي صوتك على ستك... كل العائلة نزلت... ريان: شوف تيتة المحترمة اللي بتقدر اللي احنا فيه، عايزاني اتجوز سيرين بدل نور ليه اصل نور احتمال مترجعش... سعاد: يعني احفادك مختفين و بتتكلمي كدة... منال: حرام حرام عليكي... ناصر: يا امي ده مكنش وقته... الكل كان بيتكلم بعتاب، و هي كانت الرؤية عندها بتقل تدريجيا، لغاية ما اغمي عليها... مصطفي: امي... ناصر: ماما ردي عليا...
محمود: ماما يا ماما، فتحي عينك... منال: يا طنط ردي حضرتك... سعاد: طنط طب سمعاني... ريان: انا هتصل بالاسعاف... سيلين: نانسي اكشفي عليها بسرعة... نانسي: اه... نانسي كشفت عليها... نانسي: النبض ضعيف لازم تتحول للمستشفي... بدر: الاسعاف جت... الكل راح معاها، ما عدا رحيم و فرح و هدي و سيرين...
رواية مجنونة في عالمي
